السبت، 24 سبتمبر، 2011

الاثنين، 19 سبتمبر، 2011

الجمعة، 16 سبتمبر، 2011

الخميس، 15 سبتمبر، 2011

بسكوت Nice


تذكرون بسكوت نايس المشهور مال شركة المطاحن؟؟ كانت العلبة تحتوي على ٤٨ حبه بسعر مناسب، بس ما اذكر السعر بالضبط، اللحين كشخوا العلبه وقللوا العدد الى ٢٤ حبة، والسعر ب ٧٥٠ فلس!!!





الأربعاء، 14 سبتمبر، 2011

صباح الخير... وصباح الايس كريم ...

صباح الخير،،،، امس وحنا قاعدين في البيت ... دق الجرس وسلمونا هذا الايس كريم مع المنيو،،، الايس كريم عبارة عن قالبين واحد مانجا والثاني فانيليا... وما شاء الله... شكبرهم جنه مال المطاعم... لما قريت المنيو.. لقيت الاسعار جدا مناسبه





هذا عجبني ودي اطلبه




هذي علبة المانجا... ٤ لتر


مشكورين عالنقصة.. والله يوفقكم

الثلاثاء، 6 سبتمبر، 2011

حلو المارشميلو Marshmellow


تتحفنا دائما ام عدس بحلوياتها العجيبه... اليوم حلوها من نوع ثاني...




الطريقة:

يصف كيك كاكاو في الماعون من تحت
٤ اريو اللي الكيس فيه ٤
يفتت ويوضع على الكيك...( اللحين ما تحتاجون تفتيت.. بعد اللي حطيت صورته في البلوق orea crushed ما يحتاج الواحد يفتت ولا شي )
ثم يوضع خدود البنات قليل وليس كثير  (marshmellow)
حمام مائي ٦ جالاكسي سادة، ٦ جالاكسي كاراميل و ١ كريمه
ثم يصب فوق ويدخل الفرن لمدة ١٠ دقائٍق


بالعافيه
شكرا ام عدس :)

OREO crushed


Oreo crushed متوفر الان في الجمعيات،،، هذا يفيدنا في عمل الحلو اللي يحتاج الي اوريو مطحون... فكونا الله يعافيهم



RECYCLINK

مع بداية العام الدراسي... تتكدس الاوراق... ماندري وين نوديها... ٍRECYCLINK تؤدي الغرض... مجرد الاتصال فيهم وفي غضون ساعتين يأتون ويشيلون البوكس ويفرغونه ويرجعون لكم الكرتون... شكرا ريسايكل لنك على هذه الخدمة



Today at the Avenues...اليوم في الافينوز